Италиядаги зилзилада ҳалок бўлганлар сони 14 кишига етди, деб ёзади «Газета.ru».
Дастлабки маълумотларга кўра, Аккумоли шаҳрида камида олти киши, Аркуата-дель-Тронтода яна икки киши, Аматричеда эса беш киши ҳалок бўлган.
Бундан ташқари, Пескара-дель-Тронто шаҳарчасида ёш бола нобуд бўлган.
Зилзила Италия марказида маҳаллий вақт билан 03:36 (Тошкент вақти билан 06:36)да содир бўлди. 6,0 магнитудали ер силкиниши эпицентри Рьети провинциясида 4 км чуқурликда жойлашди.
Аввалроқ Италия вазирлар кенгаши қошида қидирув-қутқарув ишларини мувофиқлаштириш ва зилзила оқибатларини бартараф этиш бўйича тезкор штаб ташкил қилинганди.
Изоҳ (0)