АҚШ вице-президенти Жо Байден Болтиқбўйи давлатлари раҳбарлари билан учрашуви чоғида Дональд Трампнинг Россия томонидан тажовуз юз берса, фақат Америка олдидаги мажбуриятларини бажараётган НАТО аъзоларига ёрдам бериш зарурлиги ҳақидаги гапларини жиддий қабул қилмасликка чақирди. Байденнинг Литва, Латвия ва Эстония етакчилари билан учрашуви 23 август, сешанба куни Ригада бўлиб ўтди, дея хабар беради «РБК».
Вице-президент Трамп НАТО низомининг альянс аъзолари бўлган давлатлар бир-бирини ҳимоя қилишини кафолатловчи бешинчи бандини тушунмаслигини тахмин қилди.
«Болтиқ давлатларининг барча аҳолисига аниқ-тиниқ билдирмоқчиман: биз НАТО шартномаси бўйича бурчимизни бажариш мажбуриятини олганмиз. Баъзан президентликка номзод томонидан билдирилиши мумкин бўлган нарсаларни жиддий қабул қилмаслик лозим», — дея таъкидлаган Байден.
Изоҳ (0)