Япония бош вазири Синдзо Абэ КХДР томонидан баллистик ракета учирилиши туфайли, шошилинч тартибда мамлакат Миллий хавфсизлик кенгашини чақирди, деб ёзади «ТАСС» Япония ҳукуматига таяниб.
Сўнгги марта Япония Миллий хавфсизлик кенгашини 3 август куни — КХДР бундан аввал ракета учирган вақтида чақирган эди. Ўшанда Шимолий Корея ракетаси биринчи марта Япония иқтисодий ҳудудига келиб тушган эди.
Аввалроқ КХДР сув ости кемасидан баллистик ракета учиргани маълум қилинди. Япония мудофаа вазирлиги маълумотларига кўра, ракета тахминан 500 км масофага учиб, Япон денгизига қулади. У биринчи марта мамлакат ҳаво ҳужумига қарши мудофаа идентификация ҳудуди ичкарисига 80 километргача кирди.
Япония ҳукумати раҳбари ушбу ҳодисани «бутун минтақада тинчлик ва барқарорликка жиддий раҳна солган ҳолда, БМТ Хавфсизлик кенгаши резолюциясини кечирилмас тарзда бузиш» деб атади.
Изоҳ (0)