Буюк Британия иқтисодиёти Евроиттифоққа аъзолик юзасидан ўтказилган референдум (Brexit) якунлари туфайли келиб чиққан саросималикдан ўзини ўнглаб олмоқда. Бу ҳақда, The Guardian’даги таҳлилий мақолага иқтибос келтириб, «Интерфакс» маълум қилмоқда.
Жумладан, бир қатор кўрсаткичлар саноат, савдо ва қурилишда фаоллик ортиб бораётганини кўрсатмоқда.
Саноат секторида ўтказилган сўров экспорт охирги икки йил ичидаги энг юқори даражага кўтарилганини кўрсатмоқда. Қурувчилар эса харидорлар яна уй-жойга қизиқиш билдираётганини хабар қилмоқда. Охирги уч ой мобайнида супермаркетларда харид кўрсаткичлари 0,3 фоизга ошди.
Референдум натижалари фунт стерлинг курсининг тушишига ва бозордаги ноаниқликка сабаб бўлгани боис мамлакат иқтисодиётида тушиш кузатилган эди. Аммо, нашр экспертларининг маълум қилишича, айни пайтда вазият барқарорлашмоқда.
Изоҳ (0)