Туркия Суриядаги ҳарбий операцияни мазкур мамлакат ҳудудида жойлашган террорчилар ҳужумидан ўзини ҳимоя қилиш учун бошлади. Бу ҳақда Туркия президенти Ражаб Тоййиб Эрдўғон маълум қилди, дея хабар беради «Ведомости».
У 24 август, чоршанба куни миллатга телемурожаат билан чиқди. Президентнинг айтишича, қўшни давлатдаги вазият туфайли Туркия «ИШИД ва курд террорчилари ҳужумлари қурбони» бўлмоқда. Туркия бундай ҳолатни қабул қилолмайди ва бунга чек қўйиш ниятида.
Туркия ташқи ишлар вазири Мавлуд Чавушўғли бошланган ҳарбий операциянинг мақсади ИШИДни мамлакат чегараларидан суриб ташлаш эканлигини таъкидлади. У қуруқликдаги операцияда турк танклари билан биргаликда Сурия чегарасини кесиб ўтган Озод Сурия армияси кучлари иштирок этаётганини тасдиқлади.
Операция «Евфрат қалқони» дея ном олди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)