Тўйдаги 53 кишини ўлдирган портлаш, 1,15 баравар ошириладиган иш ҳақи, мукофот пули 1,5 млн доллардан ошган ўзбекистонлик олимпиячилар ва куннинг бошқа муҳим янгиликлари

22 августнинг эътиборга молик янгиликлари — «Дарё»нинг кечки дайжестида.

1. Туркиядаги тўйда амалга оширилган теракт қурбонлари сони 53 кишига етди. Портлаш оқибатида ҳалок бўлганларнинг 20 нафари болалардир.

2. Ўзбекистонда 1 октябрдан энг кам иш ҳақи 1,15 баравар оширилади. Иш ҳақи «республика аҳолисининг даромадлари ва турмуш даражасини янада муттасил ошириб бориш, фуқароларга ижтимоий мададни кучайтириш» мақсадида оширилмоқда.

3. Марказий сайлов комиссияси сенатор Равшан Норбўтаевнинг ваколатини тугатди. У бунгача Тошкент вилояти Янгийўл тумани ҳокими лавозимида ишлаб келаётган эди.

4. Рио—2016 да совриндор бўлган ўзбекистонлик спортчиларнинг умумий пул мукофоти 1 млн 525 минг АҚШ долларига тенг бўлди. Олимпиадалар тарихида илк марта Ўзбекистон дунёда 21, Осиёда 4, МДҲда 2, Марказий Осиёда 1-ўринни эгаллади.

5. Битта расмда: Ўзбекистоннинг ёзги Олимпиадалардаги барча олтинлари ва Ўзбекистон спортчиларнинг Рио Олимпиадасидаги барча медаллари.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.