Ўзбекистонда 23 август, чоршанба куни қуруқ ва иссиқ иқлим шароити сақланиб қолади. Бу ҳақда «Ўзгидромет» маркази хабар бермоқда.
Хабар беришларича, сешанбага ўтар кечаси Ўзбекистоннинг тоғли ҳудудларида ҳаво ҳарорати +10...+15 даража, Тошкент шаҳрида +18...+20 даража, Бухоро ва Навоий вилоятларида +20...+25 даража, қолган барча ҳудудларда +23 даражагача илиқ бўлади.
23 август куни кундузи эса мамлакатнинг тоғли жойларида ҳаво ҳарорати +20...+25 даража, Қорақалпоғистон Республикаси, Хоразм вилояти ва Тошкент шаҳрида +35 даражагача, Фарғона водийси вилоятларида +36 даражагача, қолган барча ҳудудларда +38 даражагача иссиқ бўлади.
«Ўзгидромет» ахборотига кўра, 23 августга ўтар кечаси ва 23 август куни кундузи Қорақалпоғистон Республикаси ва Хоразм вилоятида шамолнинг тезлиги кучайиб, сониясига 15—20 метрни ташкил этиши мумкин.
Маълумот учун, 21 август куни Ўзбекистон ҳудудидаги энг кучли шамоллар Қорақалпоғистоннинг Жаслиқ ҳудудида қайд этилган, у ерда шамолнинг тезлиги сониясига 25 метрга етган эди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)