Тошкентнинг Муқимий кўчаси очилишга тайёр. «Afisha.uz»нинг ёзишича, кўчанинг Чилонзор Оқтепа майдонидан Бунёдкор шоҳ кўчаси билан кесишувгача бўлган қисми битган, Facebook’даги «Водители Ташкента» гуруҳида эса кўчанинг «Новза» метро бекатидан Шота Руставели кўчасигача бўлган қисми акс этган суратлар эълон қилинди.
«Муқимий кўчаси энди шундай кўринишда», — деб ёзади ўз хабарига фотосуратларни илова қилган Facebook фойдаланувчиси. Суратларда кўча ўртасидаги ёриткич устунларига байрамона байроқлар илиб чиқилганини кўриш мумкин.
Кўча қарийб тайёр ҳолга келган бўлса-да, транспортлар қатнови учун ҳали очилмаган — Чилонзор Оқтепа майдонида пиёдаларнинг ер усти йўлини, Шота Руставели кўчаси билан кесишувда эса Ўзбекистонда муқобили йўқ йўл ўтказгични қуриш ишлари давом этмоқда.
Аввалроқ Тошкент шаҳар ҳокимлиги Муқимий ва Шота Руставели кўчаларидаги қурилиш ва таъмирлаш ишлари 22 августдан якунига етиши ва мазкур кўчалардаги транспорт қатновига қўйилган вақтинчалик чеклов олиб ташланишини маълум қилган эди.
Тошкентда қурилиш: Бир қатнов томони етти ҳаракатланиш бўлагидан иборат Муқимий кўчаси
Тошкентда қурилиш: Чилонзор Оқтепа майдонининг янги кўриниши
Тошкентда қурилиш: Муқимий — Шота Руставели кесишмасидаги йўл ўтказгич. Ойдин оқшомда
Изоҳ (0)