Камерун шимолида худкуш террорчи томонидан амалга оширилган теракт оқибатида камида уч киши ҳалок бўлди, 20 дан ортиқ киши жароҳат олди. Бу ҳақда «ТАСС» хабар бермоқда.
Куч тизими вакилларига кўра, ҳодиса Мора провинцияси бозори яқинидаги кўприкда рўй берган. Барча қурбонлар портлаш чоғида ҳалок бўлган. Оғир яраланганларни касалхонага етказиш учун вертолётдан фойдаланилган. Худкуш вақтни беҳуда танламагани, якшанба куни бозорда деярли доим одам кўп бўлишини ҳисобга олгани билдирилмоқда.
Камеруннинг ушбу провинциясида «Боко Ҳарам» гуруҳи илгари кўплаб ҳужумларни уюштиргани эслатиб ўтилган.
Изоҳ (0)