Франция собиқ иқтисодиёт вазири Арно Монтебур президентлик сайловларида ўз номзодини илгари сурди, деб ёзади «РБК» собиқ вазирнинг Twitter’ига таяниб.
«Мен — Франция Республикаси президенти лавозимига номзодман», — деб ёзди Монтебур.
Ўз микроблогида у, шунингдек, айни пайтда мамлакатдаги вазият жуда оғирлигидан, ғоялар, лойиҳалар ва одамларнинг янгиланиши ўта муҳим эканлигини таъкидлади.
Ўз ниятлари ҳақида гапирар экан, Монтебур депутатлар сонини камайтириб, сенатни қайтадан ташкиллаштиришни режалаштираётганини айтди.
Францияда президентлик сайловлари 2017 йил баҳорида бўлиб ўтади.
Изоҳ (0)