Turkiya prezidenti Rajab Toyyib Erdo‘g‘on mamlakat janubidagi Gaziantep shahrida to‘y marosimi chog‘ida ro‘y bergan terakt IShID tomonidan uyushtirilganini istisno etmadi. Bu haqda “RBK” xabar bermoqda.
“Turkiyani yenga olmay, milliy va diniy asosda nafrat uyg‘otish, odamlarni bir-biriga gijgijlashga harakat qilayotganlar o‘z maqsadiga erisha olmaydi”, — deb ta’kidladi prezident. Erdo‘g‘onga ko‘ra, mazkur teraktni Kurdiston ishchi partiyasi, Fathulloh Gulen boshchiligidagi FETO tashkiloti yoki IShID jangarilari amalga oshirganining farqi yo‘q.
Shuningdek, Turkiya rahbari terakt qurbonlari va jabrdiylari soniga aniqlik kiritdi. Rasmiy ma’lumotlarga ko‘ra, 27 kishi hudkush hujumi qurboni bo‘ldi, yana 94 kishi turli darajada jarohat oldi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)