Украина президенти Пётр Порошенко ва АҚШ вице-президенти Жо Байден телефон орқали суҳбат доирасида Қрим автоном республикаси ва Донбасс маъмурий чегарасидаги хавфсизлик ҳолатини муҳокама қилди. Бу ҳақда «Корреспондент.net» хабар бермоқда.
«Суҳбатдошлар Қримни истило этиш режимини тўхтатиш мақсадида сиёсий-дипломатик ҳаракатларнинг муҳимлигини таъкидлади», — дейилади давлат раҳбари матбуот хизмати хабарида.
АҚШ вице-президенти, шунингдек, бундан кейин ҳам АҚШ Қримнинг босиб олинишини тан олинмаслигига риоя этишини таъкидлаб ўтди.
Аввалроқ Қрим билан чегарадош ҳудудларда жамоат тартибини сақлаш мақсадида сентябрдан аксилтеррорчилик операцияларининг собиқ қатнашчиларидан иборат жамоатчилик шерифлари янги контингенти ишга тушиши маълум қилинган эди.