АҚШ президентлигига Республикачилар партиясидан номзод Дональд Трамп ўзининг сайлов штаби раҳбари Пол Манафортнинг истеъфосига тўсқинлик қилиб ўтирмади, чунки у сайловолди пойгасига халал бера бошлаганди. Бундай изоҳ билан миллиардернинг ўғли Эрик Трамп Fox News телеканали эфирида чиқиш қилди, деб ёзади «ТАСС».
«Фикримча, отам Пол шуғулланган нарса уни чалғитишини истамайди», — деди Эрик Трамп. У Республикачилар партиясининг июль ойида Кливлендда (Огайо штати) бўлиб ўтган қурултойида дебют нутқи билан чиқиш қилиб, хонасини топиб гапирди ва ўн минглаб республикачилар томонидан илиқ кутиб олинди.
Fox News маълумотларига кўра, тажрибали Манафорт сайлов пойгасида ортиқча тўсиқларни юзага келтирмаслик учун атайлаб «сояга ўтган». «Шу тариқа, Трамп сайловолди курашига тўлиқ эътибор қарата олади. Манафорт эса четда қолади, аммо ташқаридан ишлашда давом этади ва Вашингтондаги ишни мувофиқлаштиришга ёрдам беради», — дея маълум қилди телеканал ўз манбасига таяниб.
Трамп ўз сайлов штаби раҳбарининг истеъфоси ҳақида эълон қилди, аммо ушбу қарор сабабларини ошкор қилмади.
Изоҳ (0)