Ўзбекистонда Вазирлар Маҳкамасининг 2016 йил 10 августдаги фармойиши асосида ташкил этилган умумхалқ хайрия ҳашари ўтказилмоқда. Бу ҳақда ЎзА хабар берди.
20—21 август — ҳашар кунлари турар жой даҳалари ва маҳаллаларда гул экиш, дарахтларни буталаш, кўчалар, йўлакларни тартибга келтириш, қурилиш ва маиший чиқиндиларни олиб чиқиш, аҳоли пунктлари, кўп қаватли бино ва ҳовлилар атрофи, гузар, хиёбон, зиёратгоҳлар, қабристонлар, ариқ ва лотоклар, шунингдек, болалар майдончаларини тартибга келтириш ишлари бажарилади.
Кекса ва ногиронлар, ёлғиз қариялар, боқувчисини йўқотган эҳтиёжманд оилаларнинг уй-жой шароитини яхшилашга кўмаклашилмоқда. Бу хайрли юмушларда фуқаролар ўзини ўзи бошқариш органлари, «Камолот» ёшлар ижтимоий ҳаракати, хусусий уй-жой мулкдорлари ширкатлари, корхона ва ташкилотлар ходимлари, кенг жамоатчилик вакиллари фаол иштирок этмоқда.
Ҳашар давомида мамлакатнинг турли ҳудудларида янги маҳалла гузарлари, маиший савдо ва сервис шохобчалари, оилавий поликлиникалар, таълим муассасалари, болалар майдончалари, қишлоқ врачлик пунктлари ва бошқа ўнлаб объектлар фойдаланишга топширилади.
Изоҳ (0)