Греция соҳилига яқин ҳудудда саёзликка ўтириб қолган кема бортидаги 50 нафар қочқин қутқариб олинди. Бу ҳақда, маҳаллий полиция баёнотига асосланиб, «Интерфакс» хабар бермоқда.
Кема Пелопоннес ярим ороли яқинидаги қояли оролчалар силсиласи ҳудудида аниқланди.
Охирги кунларда Грецияга денгиз йўли орқали келаётган қочқинлар оқими шиддат билан ўсмоқда. 18–19 август, пайшанба ва жума кунлари Лесбос оролига етиб келган муҳожирлар миқдори 261 кишини ташкил этди, ўтган ҳафта эса уларнинг сони 150 кишидан ошмаган эди.
Изоҳ (0)