Россиянинг Шарқий ҳарбий округ ракета бўлинмалари ҳарбий хизматчилари «Искандар-М» баллистик ракетасининг ўқув-жанговар учирилишини амалга оширди. Бу ҳақда округ вакили полковник Александр Гордеев маълум қилди, дея хабар беради «Интерфакс».
«Учириш Яҳудий автоном вилоятидаги ўқув-машғулот мажмуидан бажарилди. Ракета Амур вилоятида жойлашган полигонлардан биридаги нишонга муваффақиятли бориб тегди, парвоз масофаси 300 километрни ташкил этди», — дея аниқлик киритди Гордеев.
Округ вакилига кўра, ракетанинг мўлжалга аниқ етиб бориши натижасида ҳарбий инфраструктуранинг бир неча объектлари, жумладан, рамзий рақиб қўмондонлик пункти йўқ қилинди. Бу эса Амур вилоятидаги полигонда бўлиб ўтаётган икки томонлама қўмондонлик-штаб машқлари давомида мотоўқчи қисмларга ҳужумга ўтиш имконини берди.
Изоҳ (0)