АҚШнинг United Launch Alliance компанияси 19 август, жума куни Канаверал бурнидаги космодромдан мамлакат ҳарбий-ҳаво кучлари эҳтиёжи учун икки жосуслик сунъий йўлдоши бўлган Delta IV ташувчи ракетасини учирди. Бу ҳақда «ТАСС» хабар бермоқда.
Сунъий йўлдошлар ракета белгиланган баландликка етганидан сўнг ажраладиган махсус капсулага жойлаштирилди. Қурилмалар 35,9 минг километр баландликдаги орбитага олиб чиқилиши мўлжалланган.
Улар америкалик ҳарбийларнинг GSSAP дея ном олган янги дастури доирасида фойдаланилади. ОАВларга кўра, АҚШ шу тариқа бошқа давлатларнинг сунъий йўлдошларини кузатиш билан шуғулланади. Мазкур тизимнинг бир қисми бўлган илк икки қурилма Delta IV ёрдамида 2014 йил июлида орбитага олиб чиқилганди.
Изоҳ (0)