19 август, жума кунги савдоларда пастлашдан бошланган нефть нархи кейинчалик кўтарилишни бошлади ва ҳафтани охирги беш ой мобайнидаги рекорд кўрсаткич билан якунлаши кутилмоқда. Бу ҳақда «Интерфакс» хабар бермоқда.
Хом ашё захиралари камайиши, шунингдек, ишлаб чиқарувчи мамлакатларнинг қазиб олишни чеклашга қаратилган эҳтимолий ҳамкорликдаги ҳаракатлари ҳақидаги хабарлар туфайли нефть ой бошидаги кўрсаткичларга нисбатан 20 фоиздан ошиқроққа қимматлади. Лондоннинг ICE Futures биржасида октябрда етказиб бериладиган Brent туридаги нефтнинг бир баррели 50,88 долларни ташкил этди. Нью-Йоркнинг NYMEX товар биржасида сентябрда етказиладиган WTI туридаги нефтнинг бир баррели 48,36 доллардан иборат бўлди.
ОПЕК аъзолари бўлган давлатларнинг учрашуви сентябрь охирида бўлиб ўтиши режалаштирилган. Унда қатор мамлакатлар қазиб олишни чеклаш бўйича музокаралар тикланишига қизиқиш билдирган.
Изоҳ (0)