Shadow Brokers хакерлар гуруҳи киберқуролнинг «тўлиқ давлат тўплами»га эга бўлгани ва уни аукционда сотишга тайёрлигини билдирди. Бунинг исботи тариқасида тармоқда хавфсизлик тизимларини четлаб ўтиш учун мўлжалланган дастурий код жойлаштирилди, дея хабар беради «РБК».
Гуруҳ ўзи томонидан ўғирланган дастурларни энг юқори нархни таклиф этган харидорга сотишини маълум қилди. Тўлов биткоинларда амалга оширилишини талаб этаётган хакерлар 1 миллион биткоин (тахминан 568 миллион доллар) тўплашга эришса, ўғирланган дастурлардан бир қисмини тармоқда бепул жойлаштиришни ваъда қилди.
Хакерларга кўра, мазкур дастурлар АҚШ миллий хавфсизлик агентлиги билан боғлиқ эканлиги даъво қилинган Equation Group кибергуруҳига тегишли бўлган.
Изоҳ (0)