Эрон Россияга Сурияда ҳарбий операциялар ўтказиш учун ҳарбий база тақдим этмади. Бу ҳақда Эрон парламенти спикери Али Ларижоний баёнот берди, деб хабар қилмоқда «РБК».
16 август куни Al-Masdar News Россия Ҳамадондаги авиабазага Ту-22М3 бомбардимончиларини жойлаштирганини хабар қилган эди. Россия мудофаа вазирлиги бу маълумотни тасдиқлади — авиация биринчи марта Эрондаги авиабазадан чиқиб, Суриядаги марраларга зарба бергани айтилди.
Шундан сўнг эронлик депутат Ҳашматуллоҳ Фалоҳатпеша спикерга мурожаат қилиб, Эрон конституцияси мамлакат ҳудудида чет эл ҳарбий базалари жойлаштирилишини тақиқланишини ҳамда Россияга ҳарбий базанинг топширилиши бу меъёрга зид келишини эслатиб ўтган эди.
Ларижоний ўз жавобида расмий Теҳрон ва Москва террорга қарши кураш масаласида ҳамкорлик қилишда давом этишини таъкидлаб ўтди. Сиёсатчи Эрон Россиянинг Яман масаласидаги нуқтаи назарига қўшилишини айтиб ўтди.
Изоҳ (0)