Eron Rossiyaga Suriyada harbiy operatsiyalar o‘tkazish uchun harbiy baza taqdim etmadi. Bu haqda Eron parlamenti spikeri Ali Larijoniy bayonot berdi, deb xabar qilmoqda “RBK”.
16-avgust kuni Al-Masdar News Rossiya Hamadondagi aviabazaga Tu-22M3 bombardimonchilarini joylashtirganini xabar qilgan edi. Rossiya mudofaa vazirligi bu ma’lumotni tasdiqladi — aviatsiya birinchi marta Erondagi aviabazadan chiqib, Suriyadagi marralarga zarba bergani aytildi.
Shundan so‘ng eronlik deputat Hashmatulloh Falohatpesha spikerga murojaat qilib, Eron konstitutsiyasi mamlakat hududida chet el harbiy bazalari joylashtirilishini taqiqlanishini hamda Rossiyaga harbiy bazaning topshirilishi bu me’yorga zid kelishini eslatib o‘tgan edi.
Larijoniy o‘z javobida rasmiy Tehron va Moskva terrorga qarshi kurash masalasida hamkorlik qilishda davom etishini ta’kidlab o‘tdi. Siyosatchi Eron Rossiyaning Yaman masalasidagi nuqtai nazariga qo‘shilishini aytib o‘tdi.
Izoh (0)