АҚШнинг Луизиана штатидаги энг йирик сув тошқини ҳудудидан эвакуация қилинган кишилар сони 7 минг кишига етди, деб ёзади «ТАСС» штат губернатори Жон Эдвардсга таяниб.
Штатнинг баъзи туманларида сув сатҳи пасайган бўлса, баъзиларида, аксинча, кўтарилган. Шу туфайли, губернатор аҳолини «бўшашмасликка ва ҳаво яхшиланган тақдирда ҳам, шаҳар ташқарисига сайрга чиқмасликка» чақирди.
Эдвардс тошқинлар оқибатида уч киши ҳалок бўлганини тасдиқлади. Бунда гап кучли сув оқими остида қолган автомобилчилар ҳақида бормоқда.
Губернатор штатда фавқулодда ҳолат режимини жорий қилди, у 10 сентябрга қадар амал қилади.
Сув тошқинлари АҚШ жанубида 11 августдан буён тўхтовсиз қуяётган жала оқибатида юзага келди. Кўплаб аҳоли пунктларида кўчалар, уй ва дўконларнинг пастки қаватлари, машиналар сув остида қолди.
Изоҳ (0)