Афғонистон қуролли кучлари мамлакат шимолидаги операция чоғида ўтган бир кеча-кундузда 32 нафар толибни йўқ қилди, деб ёзади «ТАСС».
Операция Баглан ва Қундуз провинцияларида кечди. Афғонистон мудофаа вазирлиги вакили сўзларига кўра, Багланда 12 толиб, Қундузда эса 20 толиб йўқ қилинди. Бундан ташқари, тўқнашувларда яна 28 нафар толиб яраланган.
Толиблар бир қишлоқни ракета билан ўққа тутиши натижасида камида икки киши ҳалок бўлди, улар бир оила аъзолари бўлгани хабар қилинмоқда.
Афғонистон қуролли кучлари аниқлик киритишича, толиблар қишлоқни ҳудудда жангариларни йўқ қилиш бўйича махсус операция ўтказаётган ҳарбийлар билан жанговар тўқнашувлар чоғида ўққа тутган.
Куч тузилмалари ходимлари орасидаги талафот ҳақида хабар берилмаяпти.
Изоҳ (0)