Британиянинг Кент графлигида бўлиб ўтаётган авиашоу чоғида кичик самолёт сувга қулаб тушди, деб ёзади «РБК».
Воқеа Буюк Британиянинг жануби-шарқий соҳилларида юз берди. Парвоз чоғида бир ўриндиқли енгил самолёт пастлай бошлади ва натижада сувга қулади.
Ҳодиса бир неча минг томошабин кўз олдида содир бўлди, уларнинг баъзилари учувчига ёрдам бериш учун соҳилга югуриб борди. Воқеа жойига тиббий вертолёт ҳам етиб келди. Учувчи деярли ҳеч қандай жароҳат олмагани маълум бўлди ва уни сувдан эсон-омон чиқариб олишди.
Самолёт ҳам қуруқликка тортиб чиқарилди.
Ҳодиса юзасидан текширув бошланди, полиция учувчига мурожаат қилиб, вазиятга ойдинлик киритишни сўради.
Изоҳ (0)