Бокснинг 91 килограммдан оғирроқ вазн тоифасидаги спортчилари ўртасидаги беллашувларида Ўзбекистон шарафини ҳимоя қилаётган Баҳодир Жалолов чорак финал чиптасини қўлга киритди.
Венесуэлалик Эдгар Муньосга қарши жанг қилган Баҳодир Жалолов рақибини иккинчи раунднинг ўртасига келибоқ нокаутга учратди. Унинг кетма-кет зарбаларига рақиб туриб бера олмади ва жангни давом эттирмади.
Ўзбекистонлик чарм қўлқоп устоси медаллар учун кечадиган чорак финал жангида британиялик Жозеф Жойс билан тўқнаш келади. Жозеф 1/8 финалда Кабо-Верде спортчини мағлуб этишга муваффақ бўлганди. Жанг 17 август куни бўлиб ўтади.
Изоҳ (0)