Boksning 91 kilogrammdan og‘irroq vazn toifasidagi sportchilari o‘rtasidagi bellashuvlarida O‘zbekiston sharafini himoya qilayotgan Bahodir Jalolov chorak final chiptasini qo‘lga kiritdi.
Venesuelalik Edgar Munyosga qarshi jang qilgan Bahodir Jalolov raqibini ikkinchi raundning o‘rtasiga keliboq nokautga uchratdi. Uning ketma-ket zarbalariga raqib turib bera olmadi va jangni davom ettirmadi.
O‘zbekistonlik charm qo‘lqop ustosi medallar uchun kechadigan chorak final jangida britaniyalik Jozef Joys bilan to‘qnash keladi. Jozef 1/8 finalda Kabo-Verde sportchini mag‘lub etishga muvaffaq bo‘lgandi. Jang 17-avgust kuni bo‘lib o‘tadi.
Izoh (0)