Америкалик экспертлар Қримда россиялик ҳарбийларнинг охирги ҳаракатланишини пайқади. Бу ҳақда маълум қилган Пентагон амалдорига кўра, вазирликка бу ички ротация ёки шахсий таркибнинг кўпайтирилиши эканлиги аниқ эмас, дея хабар беради «РБК».
Амалдорнинг таъкидлашича, «оғир жанглар бошланган тақдирда ҳарбий ҳаракатлар манзили Қримда эмас, Донбассда бўлиши эҳтимолга яқинроқ».
Украина чегара хизмати вакили Олег Слободян Қримдаги Россия чегарачиларида янги техника пайдо бўлганини билдирди. Слободянга кўра, чегарадаги Россия қўшинлари ротация қилиниб, замонавийроқ қурол-яроғга эга бошқа бўлинмалар билан алмаштирилмоқда.
Эслатиб ўтамиз, олдинроқ Украина Бош штаби вакили Владислав Селезнёв россиялик ҳарбийлар чегарага «Град» БМ-21 реактив тизимини олиб келганини маълум қилганди.
Изоҳ (0)