БМТ Хавфсизлик кенгаши Украина илтимосига кўра Қримдаги вазиятга бағишланган ёпиқ йиғилиш ўтказди. Бу ҳақда Meduza хабар бермоқда.
Йиғилишдан сўнг Россиянинг халқаро ташкилотдаги доимий вакили Виталий Чуркин учрашув Россия учун фойдали бўлгани ва бошқа мамлакатлар делегациялари учун ярим оролда олди олинган терактлар ҳақида маълумот тақдим этиш имконини берганини билдирди.
Ўз навбатида, Украинанинг БМТдаги доимий вакили Владимир Елченко йиғилиш чоғида Россия делегациясидан Украина махсус хизматлари Қримда диверсиялар тайёрлаганини тасдиқловчи далилларни намойиш этишни сўраган. Бироқ Елченкога кўра, Россия элчиси «гап-сўздан нарига» ўтмаган.
Украина томони Қримдаги диверсияларга алоқадорликни қатъиян рад этмоқда. Киевнинг тахминича, ярим оролда Россия армияси ва Федерал хавфсизлик хизмати бир-бирига ўқ узган.
Изоҳ (0)