Бугун, 11 август куни «Пахтакор-79» жамоаси аъзоларининг вафотига сабаб бўлган авиафалокат содир бўлганига роппа-роса 37 йил бўлди. Мана шу муносабат билан Тошкентда бир нечта тадбирлар ўтказилди, деб хабар бермоқда Ўзбекистон футбол федерацияси матбуот хизмати.
Аввалига, 09:00 да футбол жамоатчилиги «Пахтакор» стадиони ҳудудида жойлашган «Пахтакор-79» ёдгорлиги олдида жамланди. Шундан сўнг, тадбирга йиғилганлар авиафалокат оқибатида дунёдан кўз юмган «Пахтакор» футболчилари дафн қилинган Боткин қабристонига ташриф буюрди.
Таъкидлаш керакки, 5–10 август кунлари 2001 ва 2002 йилларда таваллуд топган болалар ўртасида «Пахтакор-79» хотира турнири бўлиб ўтди ва финалда «Пахтакор» болалар жамоаси БЎСМ–16 жамоасидан 2:1 ҳисобида устун келди.
Изоҳ (0)