Олмаотада 18 июль куни Руслан Куликбаев томонидан уюштирилган қуролли ҳужум вақтида яраланган яна бир полициячи — Жалгас Келдибаев касалхонада вафот этди, дея хабар бермоқда «ТАСС» ички ишлар шаҳар департаменти матбуот хизматига таяниб.
Хабарда таъкидланишича, шифокорлар патруль полициячисининг аҳволини ўта оғир деб баҳолаган ва унинг ҳаётини қутқариб қолиш учун охиригача курашган.
Полиция сержанти Келдибаев ички ишлар органларида 2014 йилдан буён хизмат қилиб келган.
Аввалроқ Қозоғистоннинг Олмаота шаҳри шошилинч тез ёрдам шифохонасида ушбу ҳужумда ярадор бўлган икки нафар полиция ходими ҳалок бўлгани хабар қилинган эди.
Изоҳ (0)