Португалиянинг Мадейра оролини кенг кўламли ёнғинлар қамраб олди, дея хабар бермоқда «Корреспондент.net».
Мамлакат қутқарув хизматлари кучайтирилган режимда ишламоқда, 350 га яқин алоҳида ёнғин ўчоқлари қайд этилди. Ёнғинларга юқори ҳарорат ва Шимолий Африкадан эсаётган қуруқ ҳамол сабабчи бўлгани айтилмоқда.
Маҳаллий ОАВлар ёзишича, ёнғин натижасида бир нечта уй, жумладан, беш юлдузли Choupana Hills меҳмонхонаси вайрон бўлди, юзлаб одамлар эвакуация қилинди.
Аввалроқ Португалиянинг Мадейра оролидаги катта ёнғин оқибатида тўрт киши ҳаётдан кўз юмгани хабар берилди. Португалия термаси ҳужумчиси Криштиану Роналду эса Мадейра оролида табиий ёнғинлардан жабрланганларга кўмак беришини маълум қилди.
Изоҳ (0)