Лондондаги «Британия» кутубхонаси Гарри Поттер ҳақидаги илк китобнинг чоп этилишига 20 йил тўлиши муносабати билан кўргазма ўтказади

Қалин китоблар, сеҳргарлик анжомлари ва Жоан Роулинг архивидаги қўлёзмалар – буларнинг барчаси афсунгар Гарри Поттер ҳақидаги илк китоб – «Гарри Поттер ва ҳикматлар тоши»нинг чоп этилганига 20 йил тўлиши мусобати билан ўтказиладиган йирик кўргазманинг экспонатлари бўлади. Кўргазма Лондондаги «Британия» кутубхонасида 2017 йил ўтказилиши режалаштирилган, деб хабар бермоқда «ТАСС».

Кўргазма илк маротаба ҳаёт бўлган ёзувчига бағишланади. Аввалроқ «Британия» кутубхонасида ўтмишдаги даҳо абидларнинг ижоди асосидаги тадбирлар бўлиб ўтган. Мазкур кўргазмани ташкил этишда Гарри Поттер ҳақидаги асарлар муаллифи Жоан Роулинг ва унинг дастлабки китоблари чоп этилган Bloomsbury нашриёти иштирок этади.

Гарри Поттер ҳақидаги илк китоб 1997 йили Bloomsbury нашриёти томонидан 500 нусхада чоп этилган. Шундан буён афсунгар ҳақидаги китобларнинг 450 миллион нусхаси сотилди.

Bloomsbury вакилининг маълум қилишича, кўргазма 2017 йилнинг 20 октябридан 2018 йилнинг 28 февралига қадар бўлиб ўтади.