Вьетнам Жанубий Хитой денгизидаги баҳсли оролларга ўз ракета қурилмаларини яширинча тарзда жойлаштирди. Бу ҳақда Reuters агентлиги хабар берди, деб ёзади «ТАСС».
Агентлик манбаларига кўра, Вьетнам Спратли архипелагидаги оролларга ракетани ишга туширувчи қурилмаларни махфий равишда етказган, у ерда улар бешта базага жойлаштирилган. Хабарларга кўра, қурилмалар жанговар шайлик ҳолатига икки ёки уч кун ичида келтирилиши мумкин.
Ушбу чоралар Хитойнинг баҳсли ороллар ҳудудидаги ҳарбий иштирокига қарши туриш мақсадида кўрилган. Ҳарбий кузатувчилар таъкидлашича, бу Вьетнам томонидан Жанубий Хитой денгизидаги баҳсли оролларда мустаҳкамланиш учун қўйилган ўн йил ичидаги энг аҳамиятли қадамдир.
Вьетнам ташқи ишлар вазирлиги ушбу ахборотни «мужмал» деб атади ва изоҳлардан бош тортди. Мудофаа вазирлиги вакили давлат мамлакатнинг суверен чегаралари доирасида ҳар қандай ҳудудга истаган мудофаа воситаларини етказиш учун қонуний ҳуқуққа эга эканлигини таъкидлади.
Изоҳ (0)