Qalin kitoblar, sehrgarlik anjomlari va Joan Rouling arxividagi qo‘lyozmalar – bularning barchasi afsungar Garri Potter haqidagi ilk kitob – “Garri Potter va hikmatlar toshi”ning chop etilganiga 20 yil to‘lishi musobati bilan o‘tkaziladigan yirik ko‘rgazmaning eksponatlari bo‘ladi. Ko‘rgazma Londondagi “Britaniya” kutubxonasida 2017-yil o‘tkazilishi rejalashtirilgan, deb xabar bermoqda “TASS”.
Ko‘rgazma ilk marotaba hayot bo‘lgan yozuvchiga bag‘ishlanadi. Avvalroq “Britaniya” kutubxonasida o‘tmishdagi daho abidlarning ijodi asosidagi tadbirlar bo‘lib o‘tgan. Mazkur ko‘rgazmani tashkil etishda Garri Potter haqidagi asarlar muallifi Joan Rouling va uning dastlabki kitoblari chop etilgan Bloomsbury nashriyoti ishtirok etadi.
Garri Potter haqidagi ilk kitob 1997-yili Bloomsbury nashriyoti tomonidan 500 nusxada chop etilgan. Shundan buyon afsungar haqidagi kitoblarning 450 million nusxasi sotildi.
Bloomsbury vakilining ma’lum qilishicha, ko‘rgazma 2017-yilning 20-oktabridan 2018-yilning 28-fevraliga qadar bo‘lib o‘tadi.
Izoh (0)