Давлат рақобат қўмитаси томонидан Korzinka.uz брендидан ноқонуний равишда фойдаланишга чек қўйилди, дейилади қўмита расмий сайтида.
Ушбу бренд (Korzinka, Korzinka.uz, Корзинка) Anglesey food шўъба корхонаси томонидан Интеллектуал мулк агентлигида рўйхатдан ўтказилган ва унинг интеллектуал мулк объекти ҳисобланади. Ҳуқуқ эгаси Давлат рақобат қўмитасига унинг бренди рухсатсиз қўлланилаётгани ҳақида маълум қилди.
Ўрганиб чиқиш жараёнида Қўқонда ва Наманганда Korzinka.uz брендига нисбатан интеллектуал мулк ҳуқуқини бузиш ҳолатлари аниқланди. Давлат рақобат қўмитаси аралашувидан сўнг, бренддан ноқонуний тарзда фойдаланиш билан боғлиқ ҳолатларнинг барчасига чек қўйилди.
Изоҳ (0)