Малайзиянинг Boeing-777-200 самолёти бортидан 2014 йил мартида келган сигналлар лайнер сувга қулашдан аввал «шиддат билан баландликни йўқотгани»ни тахмин қилишга имкон беради. Бу ҳақда мамлакат мудофаа вазирлигида ишловчи экспертлар хулосасига таяниб, The Australian нашри маълум қилди, дея хабар беради «ТАСС».
Нашрга кўра, австралиялик тадқиқотчиларнинг янги маълумотлари, шунингдек, Boeing компанияси экспертлари ўтказган самолёт парвози йўналишининг компьютер моделлаштириши натижалари лайнернинг Ҳинд океанига бошқарувсиз қулагани ҳақидаги фаразни исботламоқда.
«Австралиялик экспертлар авиалайнер ғойиб бўлиши учун масъулият учувчиларидан бири зиммасига юкланишини истисно этмади, бироқ самолётни қидириш Ҳинд океанидаги бошқа бир ҳудудда олиб борилаётганини иддао қилаётган танқидчилар далилларини инкор этмоқда», — дея таъкидланади газета мақоласида.
Изоҳ (0)