Россия, Эрон ва Озарбайжон президентлари Сурияда юзага келган вазиятни муҳокама қилди. Бу ҳақда «Ведомости» хабар бермоқда.

Етакчилар фикрича, ИШИДнинг назорат этиб бўлмайдиган ривожланиши хавфи сақланиб қолмоқда, у билан ягона фронт тарзида курашиш зарур.

«Сурия нафақат ИШИД, балки унинг байроғи остида яширинган ва ўз мақсад ҳамда вазифаларини кўзлаётган гуруҳлар кўлами кенгайиши хавфи ҳамдир. Россия ва бошқа мамлакатларга билдирилган таҳдиддан сўнг уни ислом дунёси учунгина хатар деб айта олмаймиз», — дея маълум қилди Россия бош вазири ўринбосари Дмитрий Рогозин уч давлат етакчилари учрашуви якунидан сўнг.

Эслатиб ўтамиз, олдинроқ Россия, Эрон ва Озарбайжон Бокудаги уч томонлама учрашув чоғида бизнес, маданият ва туризм йўналишларида ҳамкорликни янада ривожлантириш тўғрисида келишиб олгани билдирилганди.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.