Россия бош вазири Дмитрий Медведевни истеъфога чиқариш талаб қилинган петиция «Change.org» сайтида 6 август, шанба куни эрталаб 200 минг имзо тўплади. Бу ҳақда «Газета.ru» хабар бермоқда.
Мазкур петиция биринчи куни — 4 августдаёқ 100 мингдан ортиқ имзо тўплаганди. Эртасига эрталаб эса уни имзолаганлар сони 150 минг кишига етди.
Financial Times нашри бунга қадар Россияда парламент сайловларидан сўнг ҳокимият тизими ўзгариши ва Медведев истеъфога чиқарилиши эҳтимоли ҳақида маълум қилганди. Бироқ Россия президентининг матбуот котиби Дмитрий Песков ушбу тахминни «Қаҳва қуйқасига қараб қилинган башорат» деб атади.
Изоҳ (0)