Англиянинг Корнуолл графлигидаги Тинтагель қишлоғи яқинида британиялик археологлар эрамизнинг VI асрига тегишли қаср қисмларини топди, дея хабар бермоқда The Independent. Бу жой анъанавий тарзда Қирол Артур ҳақидаги афсоналар билан боғланади, манзилдан узоқ бўлмаган жойда эса шу пайтгача XIII аср норманн қасри парчалари аниқланган эди, холос.
Олимлар аниқлаган тарихий буюмлар Англиянинг тарихий персонажи ҳақида шу пайтгача топилган далилларнинг энг ишонарлисидир.
Вино ва зайтун ёғи учун мўлжалланган сопол ва шиша идиш бўлаклари, шунингдек, ликоплар ва кичик стаканлар қадимда қасрда яшаган кишилар ўша вақтдаги Британия жамиятининг юқори табақасига мансуб бўлганлигидан дарак беради.
Археологлар қалинлиги қарийб бир метрлик девор қисмларини, шунингдек, зина ва пол аломатларини аниқлади. Қадимий иншоотлардан бирининг излари топилган ҳудуд майдони 44 квадрат метрга тенг. Саройники деб тахмин этилаётган қолдиқлар эрамизнинг V-VI асрига тааллуқли.
Изоҳ (0)