Австрия канцлери Кристиан Керн Туркия билан Евроиттифоққа қўшилиш ҳақидаги музокараларни тўхтатишни таклиф қилмоқда, деб ёзади «Ведомости». Ушбу музокара жараёнини у «дипломатик ясама вазият» деб атади.
Керн таъкидлашича, Туркияда демократик стандартларга мамлакатнинг Евроиттифоққа аъзо бўлиши ҳақида гапириш мумкин бўлган даражада етарлича риоя қилинмайди. Туркияда давлат тўнтаришига уринишдан кейин мамлакатда ўлим жазосини жорий қилиш ҳақидаги таклиф Европада кескин танқидларга сабаб бўлди.
Керн Туркиядаги иқтисодий стандартлар ҳам Европаникидан узоқ эканлигини айтди. Унинг фикрича, Анқаранинг Евроиттифоққа қўшилиши «бир неча йиллик, ҳатто бир неча ўн йиллик» масала. Ушбу масалани у 16 сентябрь кунги Европа кенгаши мажлисида кўтармоқчи.
Изоҳ (0)