Сурия армияси жангчилари ва кўнгиллилар отрядлари 3 август, чоршанба куни Алепподаги олдинроқ бой берилган марралар устидан назоратни тиклади. Бу ҳақда Al Watan манбаларига таяниб, «ТАСС» хабар бермоқда.
Газетага кўра, қўшинлар жангариларни Заҳрат-ал-Хоуз ва Телл-ал-Имара ҳудудларидан қувиб чиқарган. Шунингдек, Сноубарат ва Махрукат тепаликлари қўлга киритилган.
Ўтказилган операциялар чоғида 56 нафар жангари, жумладан, «Жайш ал-Фатҳ» қуролли коалицияси таркибига кирувчи гуруҳларнинг бир неча дала қўмондонлари ўлдирилди. Тўққиз танк, қурол-аслаҳа ва ҳарбий-транспорт воситалари сафдан чиқарилди.
Изоҳ (0)