Рио-де-Жанейродаги 2016 йилги Олимпия ўйинлари ташкилий қўмитаси сўнгги кунлар давомида ўғрилардан жабр кўрган спортчи ва сайёҳлардан узр сўради, деб ёзади «ТАСС».
«Улар Бразилияда бизнинг меҳмонларимиз, бундан жуда афсусдамиз.», — деди «Рио-2016» ташкилий қўмитаси расмий вакили Марио Андрада. У хавфсизлик хизмати билан боғланиб, ўмарилган буюмларни қайтаришга ҳаракат қилишларини айтди.
Рио-де-Жанейродаги ўйинлар чоғида хавфсизликни жами 88 минг киши назорат қилади, бу Лондондаги 2012 йилги Ўйинлар пайтидагидан икки марта кўп демакдир.
Андрада спортчи ва сайёҳларга Рио-де-Жанейрода яшаш чоғида ҳушёр бўлиб юришга чақирди.
Аввалроқ хитойлик спортчилар, делегация ва ОАВ вакиллари бир неча марта ўғриликлар ва қуролли талончиликларга дуч келгач, Хитой ташқи ишлар вазирлиги Олимпиада чоғидаги хавфсизлик чоралари бўйича махсус йўриқнома чиқарган эди.
Изоҳ (0)