Бельгиялик Паралимпия ўйинлари чемпиони Марика Вервут Рио-де-Жанейрода бўлиб ўтадиган 2016 йилги ўйинлардан сўнг эвтаназияни амалга ошириш истаги ҳақида маълум қилди, деб ёзади TJournal.
Вервутнинг оёқлари фалаж бўлгани туфайли, у Паралимпия ўйинларида аравадаги пойгаларда иштирок этган. Аммо 36 ёшида у спортдаги карьерасини, шу билан бирга, ҳаётини ҳам давом эттира олмаслигини айтди.
«Спорт — ҳаётимнинг ягона мазмуни. Касаллик билан курашиш ва машқ қилиш мен учун жуда қийин, 2016 йилги ўйинлар менинг сўнгги орзуйимдир», — деди спортчи.
Вервутнинг ватани Бельгияда эвтаназия қонуний ҳисобланади — бунинг учун уч нафар шифокордан розилик олиш зарур.
Изоҳ (0)