Интернетда Риодаги Олимпиада очилиш маросими репетицияси суратлари тарқалди (фото)

Ижтимоий тармоқларда Рио-де-Жанейродаги ёзги Олимпиада ўйинлари очилиш маросимига тайёргарлик жараёнидан олинган суратлар тарқалди, деб ёзади «РБК».

Репетицияга уч мингга яқин томошабин таклиф қилинган. Ташкилотчилар фотосуратларни интернетда эълон қилмасликни сўраган бўлса-да, улар Instagram, Twitter ва Facebook‘да тарқалиб кетди.

Шунингдек, тайёргарлик жараёни иштирокчилари очилиш маросимининг баъзи тафсилотларини ошкор қилди. Уч соатлик шоу давомида, уларнинг сўзларига кўра, Бразилия тарихига оид лавҳалар намойиш этилади, шу билан бирга, мамлакатдаги ижтимоий муаммоларга ҳам эътибор қаратилади.

Очилиш маросими 5 август куни Рио-де-Жанейродаги «Маракана» стадионида бўлиб ўтади, у 78 минг томошабинни сиғдира олади.