Rio-de-Janeyrodagi 2016-yilgi Olimpiya o‘yinlari tashkiliy qo‘mitasi so‘nggi kunlar davomida o‘g‘rilardan jabr ko‘rgan sportchi va sayyohlardan uzr so‘radi, deb yozadi “TASS”.
“Ular Braziliyada bizning mehmonlarimiz, bundan juda afsusdamiz.”, — dedi “Rio-2016” tashkiliy qo‘mitasi rasmiy vakili Mario Andrada. U xavfsizlik xizmati bilan bog‘lanib, o‘marilgan buyumlarni qaytarishga harakat qilishlarini aytdi.
Rio-de-Janeyrodagi o‘yinlar chog‘ida xavfsizlikni jami 88 ming kishi nazorat qiladi, bu Londondagi 2012-yilgi O‘yinlar paytidagidan ikki marta ko‘p demakdir.
Andrada sportchi va sayyohlarga Rio-de-Janeyroda yashash chog‘ida hushyor bo‘lib yurishga chaqirdi.
Avvalroq xitoylik sportchilar, delegatsiya va OAV vakillari bir necha marta o‘g‘riliklar va qurolli talonchiliklarga duch kelgach, Xitoy tashqi ishlar vazirligi Olimpiada chog‘idagi xavfsizlik choralari bo‘yicha maxsus yo‘riqnoma chiqargan edi.
Izoh (0)