Россия Федерацияси таркибидаги Бурятия Республикасининг Тункинский туманида номаълум шахслар касалхона биносини қуршаб олишга уринди, деб ёзади «РБК».
Ички ишлар вазирлигининг республика бўйича бош бошқармаси маълумотларига кўра, касалхона беморлари ва ходимлари бинода «ўнга яқин фуқаро қамал қилингани» туфайли, у ерга кира олмаган. Воқеа жойига ҳуқуқ-тартибот органлари ходимлари етиб келиб, тушунтириш ишларини олиб борди.
Натижада даволаш жараёни қайта тикланди, вазият назорат остига олинди. Айни пайтда ИИВ ушбу факт бўйича текширув ўтказмоқда, унинг натижаларига қараб номаълум шахслар хатти-ҳаракатларига қонуний баҳо берилади.
Дастлабки маълумотларга кўра, касалхонадаги ихтилоф хўжаликни юритувчи субъектларнинг мол-мулк устидаги келишмовчилигидан келиб чиққан.
Маҳаллий ОАВлар ёзишича, касалхона биносига ниқоб кийиб, автомат ва пичоқлар билан қуролланган 25 га яқин киши бостириб кирган.
Изоҳ (0)