Мексика ғарбидаги Герреро штатининг Акапулько курорт-шаҳрида 31 июль, якшанба куни камида 8 киши ўлдирилди. Бу ҳақда маълум қилган ҳуқуқ-тартибот идоралари вакилларининг билдиришича, шаҳар туманларидан бирида яна уч кишининг зўравонлик аломатлари изи қолган жасади топилди. Бу ҳақда «ТАСС» хабар бермоқда.
Экспертлар шаҳарда зўравонликнинг авж олишини наркокартеллар ва кичикроқ жиноий гуруҳлар ўртасида ҳудуд ҳамда наркотиклар контрабандаси йўналишлари устидан назорат борасида давом этаётган можаро билан боғламоқда. 2015 йил якунлари бўйича Акапулько Мексиканинг энг хавфли шаҳри деб топилди: бу ерда ҳар 100 минг аҳолига қасддан қотилликлар сони 104,7 тани ташкил этган. Расмийлар томонидан жиноятчиликка қарши олиб борилаётган чораларга қарамай, бу йил ушбу кўрсаткич 111 тага етди.
Изоҳ (0)