АҚШ Федерал қидирув бюроси (ФҚБ) ходими Кун Шан Чан судда Хитой расмийларига махфий маълумотлар етказганига иқрор бўлди ва ўзини айбдор деб тан олди. Бу ҳақда «РБК» хабар бермоқда.
Чанга кўра, у 2011—2016 йилларда жосуслик билан шуғулланган. У хорижий давлатга етказган маълумотлар ФҚБ агентлари сафарлари режалари, махфий ҳужжатлар суратларидан иборат бўлган. Чан жорий йил мартида бир неча моддалар билан айбланиб, ҳибсга олинди. Жумладан, у маҳаллий ҳукумат билан боғлиқ Хитой технология компанияси билан алоқалари ҳақидаги маълумотларни яширишда айбланди.
46 ёшли Кун Шан Чан (уни Жоуи Чан деб ҳам аташган) Хитойда туғилган ва кейинчалик АҚШ фуқаролигини олган. 1997 йилдан бери Федерал қидирув бюросида ишлаган Чан судда қилмишлари учун узр сўради.
Изоҳ (0)