Мали ҳукумат армияси зобити мамлакат шимоли-ғарбида қуролли кишилар томонидан ўлдирилди. Бу ҳақда «ТАСС» хабар бермоқда.
Ҳодиса 31 июль, якшанба куни Тимбукту шаҳрида рўй берди. Минтақада террорчиларни таъқиб этиш бўйича операцияларда иштирок этган капитан Хаматта Аг Умалха Ансари ўз уйи олдида икки террорчи томонидан ўлдирилди. Жиноятчилар ҳозирда қидирилмоқда. Уларнинг зобит ҳаракатланиши ҳақида хабар бериб турган шериклари бўлгани билдирилмоқда.
Охирги ойларда Мали шимоли ва марказий ҳудудларида вазият кескин тус олгани қайд этилмоқда. 30 июль куни расмийлар мамлакат ҳудудида фавқулодда ҳолат тартибини 2017 йилнинг 29 мартига қадар узайтирди.
Изоҳ (0)