БМТ бош котибининг Сурия бўйича махсус вакили Стаффан де Мистура мамлакат шимоли-шарқидаги Ал-Қамишли шаҳрида рўй берган ва ўнлаб кишилар қурбон бўлган терактни кескин қоралади. Бу ҳақда «ТАСС» хабар бермоқда.
«Сурия бўйича махсус вакил Стаффан де Мистура ИШИД зиммасига олган портлашни кескин қоралайди. Гуруҳ халқаро ҳамжамият Суриядаги можарони тартибга солиш бўйича ҳаракатларида иккиланишини кутмоқда. Шу муносабат билан вакил барча томонларни сиёсий жараённи изга солишда силжишга эришиш, шунингдек, жанговар ҳаракатларни тўхтатиш, террорчиликка қарши курашиш, гуманитар карвонларга йўл очиш зарурлигини яна бир бор қайд этди», — дея таъкидлади БМТ бош котиби расмий вакилининг ўринбосари Фархан Ҳақ.
Охирги маълумотларга кўра, худкуш террорчи Ал-Қамишли шаҳрида курдларнинг ўз-ўзини ҳимоя қилиш кучлари назорат пости яқинида миналаштирилган юк машинасини портлатиб юбориши оқибатида 50 киши ҳалок бўлди, 100 дан ортиқ киши жароҳатланди. Ҳужум қурбонлари орасида курд жангчилари ва тинч аҳоли вакиллари бор.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)